Дарогу маладым!

22 мая ў Нацыянальным цэнтры мастацкай творчасці дзяцей і моладзі адбыўся гала-канцэрт, прысвечаны заключнаму этапу рэспубліканскага фестывалю мастацкай творчасці навучэнцаў і студэнцкай моладзі “АРТ-вакацыі – 2026”.

Часткай праграмы гала-канцэрта сталі творчыя калектывы Беларускага дзяржаўнага ўніверсітэта замежных моў:

• студэнцкі хор “Cantus Juventae” выканаў кампазіцыю “Жураўлі на Палессе ляцяць”;
• студыя сучаснага танца “Рытм Inside” прадэманстравала гледачам нумар “Ноч. Вуліца. Ліхтар. Каханне”;
• салісты студыі эстраднага вакалу “Арт-груп” сумесна з тэатрам танца “Renaissance Dance” выступілі з нумарам “Валькірыя”.

Па выніках фестывалю іняз атрымаў два гран-пры:

• БДУЗМ у асобе рэктара ўніверсітэта Наталлі Яўгеньеўны Лапцевай быў узнагароджаны за сістэматычную і выніковую дзейнасць па ўкараненні інавацыйных форм работы і папулярызацыі мастацкай творчасці сярод моладзі;
• студэнцкі хор БДУЗМ “Cantus Juventae” ўдастоены ўзнагароды за высокае выканальніцкае майстэрства, актыўную канцэртную дзейнасць і шматгадовую працу па захаванні і папулярызацыі традыцый аматарскай харавой творчасці.

Дыпломамі I ступені былі ўзнагароджаны:

• тэатр танца “Renaissance Dance” ў намінацыі “Харэаграфічны жанр (тэатр сучаснай харэаграфіі)”;
• студыя сучаснага танца “Рытм Inside” ў намінацыі “Харэаграфічны жанр (ансамбль сучаснага танца)”;
• студыя сучаснага танца “Рытм Inside” ў намінацыі “Харэаграфічны жанр (ансамбль народна-сцэнічнай / стылізаванай народнай творчасці)”;
• студыя эстраднага вакалу “Арт-груп” у намінацыі “Вакальна-харавы жанр (ансамбль эстраднай песні)”;
• салісты студыі эстраднага вакалу “Арт-груп” сумесна з тэатрам танца “Renaissance Dance” ў намінацыі “Тэатральны жанр (музычны тэатр)”;
• каманда перакладчыцкага факультэта ў намінацыі “Тэатральны жанр (калектыў сучаснага арыгінальнага жанру)”.

Дыпломы II ступені былі ўручаны:

• танцавальнай камандзе факультэта раманскіх моў “Fam FLR” у намінацыі “Харэаграфічны жанр (тэатр сучаснай харэаграфіі)”;
• танцавальнай камандзе факультэта англійскай мовы “EFC” у намінацыі “Харэаграфічны жанр (ансамбль эстраднага танца)”.

У рамках рэспубліканскага фестывалю мастацкай творчасці навучэнцаў і студэнцкай моладзі “АРТ-вакацыі-2026” таксама прайшоў рэспубліканскі інтэрактыўны праект “РЭЦЫТАЦЫЯ-2026”, па выніках якога:

• дыплом II ступені прысуджаны тэатру факультэта нямецкай мовы “Stern”.

Беларускі дзяржаўны ўніверсітэт замежных моў віншуе студэнтаў і іх настаўнікаў з заваяваннем новых творчых вяршынь і жадае ім далейшых поспехаў!